Like presis som NSB, like innhaldsrik som ein pose havregryn. Her er bildebrev frå Mars, og det er ikkje rare greiene.

Steinras ved Løvika

Mildværet kom med eit brak, bokstaveleg tala. Vanlegvis er det rundt Hundsåna ein er mest redd for steinsprang men denne gongen var det ved Løvika det rasa. Heldigvis har vi Brekka som denne dagen var tyngre traffikert enn Sinsenkrysset.

Parkeringsplass ved gravplassen i Gjelsvika

Etter å vore diskutert og planlagt i ei årrekke er endeleg arbeidet med å opparbeide parkeringsplassar ved gravplassen i Gjelsvika i gang. Til saman vil dette gje 26 parkeringsplassar.