Førdefjorden

Slik kontaktar du oss:

Annonser:

Nyhende

Bildebrev frå mai

Blegja

Like fin som i april. Denne gong er bildet tatt ved kapellet.

Mai månad er streiketid. Mellom anna er 106 statsmeteorologar teke ut i streik med dei følgjene dette måtte ha. Det er ein ting som overraskar ved denne artikkelen. 106 meteorologar ut i streik og enno er det fleire att på jobb, kor mange fins det eigentleg? Så lite presis værmeldinga har vore siste åra er vel dette eit døme på ordtaket ”Dess fleire kokkar, dess meir søl”.

Vi kan opplyse om at heile familien Gislefoss, 38 i talet, streikar. Så no har dei god tid til å sitte rundt middagsbordet å diskutere været. Med stor innleving og glimt i auga.

Som bonde registrerer eg at i takt med streiken har vi no gått snart 40 dagar og 40 netter utan regn. Jorda er tørrare enn ordspela mine og ikkje ein gong ugraset ser ut til å trivast under så uvanlege forhold.

Vi får likevel nyte godværet så lenge vi har det sjølv om nordakuling og nattefrost gjerne kunne gått ut i streik også.

Rundt 17. mai høyrer ein vanlegvis gauken for første gong. Og då meiner eg gauken i eintal. Er det nokon som har høyrt fleire gaukar samtidig? Den har ein stemme som berer langt men eg har til gode å høyre den få svar nokon gong. Er det verkeleg sånn at i kvart område fins det berre ein gauk eller er det eg som er heilt koko?

Mykje flotte bilder frå faste bidragsytarar denne månaden. Hald fram med dette!